Aralarko ondare natural eta kulturalaren leiho izateaz haratago, hausnarketa eta gogoetarako bide ematen duen pelikula da. Adituen adierazpenek eta mundu oniriko bateko pasarteek, Nafarroa eta Gipuzkoaren mugan dagoen mendilerro honen balioa ezagutzera ematearekin batera, kontserbaziorako deia egiten dute.

2017an hasi ginen ON Produkzioak-ekin batera Aralarko pelikularen inguruan lanean, eta 2018ko urrian estreinatu genuen. Lan xume bat izan behar zena apurka apurka puzten joan zen eta azkenean ikuslearentzako atsegina den pelikula edo dokumental bat egin dugula uste dugu.

90 emanaldi egin ditugu Euskal Herrian zehar, eta 7000 ikusletik gora izan ditugu. Estatu batuetako Mendi jaialdian eta Ingurumeneko eta mendiko kulturako filmik honenaren saria irabari dugu, Izabako Ukerdi Jaialdian gidoirik hoberenarena eta beste hainbat jaialdietan ere parte hartu dugu. Europar batasunak bi urtetik behin aukeratzen dituen 27 ingurumen proiekturik onenen artean ere bagaude. Oso arrakastatsua izaten ari da ibilbidea Landarlanen ustetan.

Lorea Agirre eta Idurre Eskisabelek pelikularako sorturiko gidoiaren moldaketa bat egin dute. Hitz magiko hoiek irudikatzeko Iban Toledoren fotogramak barneratu dira. Erein argitaletxeak proiektua borobildu du formatu erakargarri bat emanez.